A Biblioteca Municipal de Boiro vai acoller este venres 21 de abril un espectáculo de narracións orais para pequechos. Será un contacontos arredor da figura do escritor francés Jules Verne, un dos grandes xigantes da literatura xuvenil de todos os tempos. A cita literaria dará comezo ás 17.00 horas. Está recomendada a nenas e nenos de idades comprendidas entre os 6 e os 10 anos. As prazas serán limitadas e as inscricións haberá que facelas na propia Biblioteca ou no 981 84 84 10. O espectáculo sobre Jules Verne encádrase nas celebracións do Día do Libro (o 23 de abril), que terán continuidade o sábado seguinte cunha narración oral de historias de Disney para nenas e nenos de 3 a 6 anos, tamén na Biblioteca.
Xosé de Cea presenta este venres 3 de maio en Ribeira o seu libro “Coímbra”
O Ateneo Valle-Inclán de Ribeira, emprazado no número 11 da praza de Compostela (Bar Plaza) vai acoller este 3 de maio a presentación dunha das grandes novidades literarias do panorama editorial galega: a novela autobiográfica Coímbra, de Xosé de Cea. Será este venres...