O ciclo Abril dos Libros que co-organizan as Concellerías de Cultura e Educación continúa coas propostas para o público infantil e familiar nesta segunda quincena de abril.
Entre elas, este sábado, 22 de abril, ás 12.00 horas no Centro Cultural Lustres Rivas, coñeceremos algunhas das coplas recollidas por Antonio Fraguas no Cantigueiro de Cotobade. Tamén aprenderemos a cantar as que nos falan da nosa fauna, animaliños que recoñeceremos grazas ás marabillosas ilustracións de David Carballal no libro ilustrado Pequena fauna do Cantigueiro de Cotobade. E será Halima Shalabi, cantareira de Pan Sen Fon (Pandeireiteiras Sen Fronteiras) quen poña voz ás coplas.
Para asistir cómpre inscribirse enviando un correo a normalizacion@ribeira.gal co número de persoas que van asistir, idade dos nenos e das nenas e un teléfono de contacto. Recibirase un correo de volta confirmando a reserva.
