O Concello de Boiro convocou un proceso selectivo para a contratación de seis auxiliares de Policía Local para o ano 2023. As bases da convocatoria publícanse este mércores no Boletín Oficial da Provincia e o prazo de presentación de solicitudes estará aberto ata o vindeiro 21 de abril.
O Concello confirmou que o sistema de acceso será mediante oposición libre e os contratos de traballo formalizaranse baixo a modalidade contractual laboral temporal por un período de catro meses ao longo do exercicio 2023 para desenvolver funcións de apoio e auxilio aos membros do corpo da Policía Local.
A persoa candidata debe cumprir unha serie de requisitos como ter cumpridos os dezaoito anos e non exceder a idade máxima de xubilación; ter a nacionalidade española ou dun estado membro da Unión Europea; ter superada a educación secundaria obrigatoria, título de graduado escolar ou equivalente correspondente ao grupo C, subgrupo C2; no ter sido despedida mediante expediente disciplinario do servizo de ningunha administración pública; carecer de antecedentes penais por delito doloroso; e contar cun informe de saúde que faga constar que se reúnen as condicións físicas e psíquicas para o desenvolvemento das funcións.
As bases, o modelo de instancia de solicitude e toda a información sobre a convocatoria está dispoñíbel na web municipal. O prazo de presentación de solicitudes será de dez días hábiles e estará aberto ata o vindeiro 21 de abril.
