O alumnado traballador do Obradoiro de Emprego en Xestión Forestal Torre Goiáns II (Concello de Boiro) realiza tarefas prácticas en monte Peón. Estes traballos forman parte da programación que se desenvolve durante 12 meses con formación teórica e práctica en entornas naturais do concello.
As tarefas que se están a desenvolver son de poda en masa de piñeiro; roza de liñas de plantación; trituración de restos; limpeza das faixas secundarias en cumprimento da Lei de Prevención de Incendios; e eliminación de eucaliptos como medida preventiva contra os incendios forestais e revalorización da masa forestal.
O obradoiro conta con dúas especialidades en xestión forestal e que son a de Aproveitamentos forestais e tratamentos silvícolas e de Repoboacións forestais e tratamentos silvícolas con 10 alumnos/as en cada modalidade e que contan cun contrato de traballo para a formación a tempo completo durante os 12 meses que dura o curso.
O Obradoiro de Emprego en Xestión Forestal Torre Goiáns II lévase a cabo mediante unha subvención da Consellería de Emprego e Igualdade da Xunta de Galicia para a realización de obradoiros de emprego na comunidade autónoma.
