Na Pobra as queixas de veciños por un local hostaleiro no que se producían altercados durante a madrugada alertaron á Garda Civil que puxo en marcha a operación Barranilla cuxo resultado foi a detención dos dous rexentes do establecemento e a incautación de cocaína, haxix e tabaco sen precintas fiscais.
Os axentes, coa colaboración da Policía Local da Pobra, levaron a cabo un rexistro no establecemento, unha vez que constataron que efectivamente se consumían e vendían substancias estupefacientes no seu interior. No transcurso da inspección do local, acharon 51 dose de cocaína, 31 de haxix, unha báscula de precisión para pesar a droga, recortes plásticos para a confección das doses e 21 paquetes de tabaco que se considera que é de procedencia ilegal.
A Garda Civil detivo ás dúas persoas que estaban á fronte do local, veciñas de Boiro, ás que considera presuntas autoras dun delito contra a saúde pública. Tanto os sospeitoso como as actuacións dos axentes e os efectos intervidos foron postos ao dispor do Xulgado de Garda de Ribeira.
