A exposición Luis Ksado 15º Premio de Creación fotográfica, impulsado pola Deputación da Coruña, xa se pode visitar no 1º andar do edificio do Casino de Noia ata o 20 de abril. O horario para visitala é de Luns a venres de 10:30 a 14:30 horas.
A mostra, que estivo o ano pasado, por estas mesmas datas, na Casa da Cultura da Pobra, vén con diferentes apartados ou categorías (fotoxornalismo, fotografía documental, fotografía de retrato), que engloban as imaxes gañadoras e finalistas do dito certame, na súa edición de 2022. Inclúense obras tan sobranceiras como Atrapados ás portas de Europa, de José Manuel López; Tempos de pandemia, da autoría de Brais Lorenzo; Horizonte de area, de Javier Atienza; Morrer de soños, presentado por Clemente Bernard sobre a Guerra Civil; Estrada descoñecida, de Jesús Caballero; Segunda pel, de Miguel Gómez Muñiz; e A esmorga, de Jesús Madriñán.
