A “Carreira e Andaina Castiñeiras Memorial Juan Vidal Pérez “celebrarase o domingo 30 de abril, ás 11.00 horas, e busca máis inscricións. Segundo recolle La Voz de Galicia, Abraham Benítez, que leva décadas programando carreiras solidarias en Barbanza e encabeza a organización desta proba, fai unha chamada para que se anoten máis rapaces. As inscricións pecharanse o xoves 27 ás 23.59 horas e poden formularse na web de Galitiming.
A saída e a meta da proba será na área deportiva Lecer do Castro, en Castiñeiras. A recollida de dorsais poderá efectuarse o domingo 30 de abril, a partir das 10.00 horas. Ao termo da proba levará a cabo unha entrega de premios e un xantar. Todos os nenos participantes recibirán unha medalla e unha bolsa de chucherías.
