A programación do Abril Mes dos Libros vai traer ao municipio ribeirense unha decena de propostas que foron presentadas esta mañá polas concelleiras de Educación e Cultura, Juana Brións e María Sampedro. As accións están dirixidas maioritariamente a público infantil-familiar, tamén ao estudantado dos centros educativos do municipio e algunha que outra proposta de carácter musical.
Así, no Lustres Rivas haberá contacontos infantís da man de Charo Pita, A Chalana e Carmen Penim, en tanto que no Auditorio terán lugar tres espectáculos destinadas a estudantes por obra de Títeres
Cachirulo, Raquel Queizás e Culturactiva.
Outra actividade prevista é un seminario en colaboración coa Universidade de Santiago que terá por título “Principais indicacións actuais da Balneoterapia”.
Outro dos eventos previstos é un musical no Porto de Palmeira en homenaxe a Los Tamara, que baixo o título de “Unha noite na eira do trigo” se celebrará o vindeiro sábado 22 de abril a partir das nove da
noite e que serve ademáis de como recoñecemento a ese grupo musical, coma homenaxe a un dos seus compoñentes, director e fundador do conservatorio e da Coral Municipal de Ribeira, ilustre veciño do noso municipio, que non é outro que Enrique Paisal.
Ademais da Sala Museo Municipal ofertará catro talleres para escolares baixo o nome “Cóntoche un traxe” e que impartirá Montse Rivera, unha das compoñentes de Leilía, que este ano deixa os escenarios tras trinta anos, e que realizará a través dunha maneira sinxela e orixinal un percorrido no tempo para ver como era o vestiario dos nosos antepasados grazas á colección en miniatura de traxes galegos realizados de xeito artesanal por Magdalena Bringas e que foi donada ao concello e se alberga no segundo andar do museo.
