O Concello de Ribeira informa de que esta semana a Vicepresidencia Segunda e Consellería de Presidencia, Xustiza e Deportes sacou de novo a licitación as obras de ampliación do Complexo Deportivo de A Fieiteira a través da construcion dun Módulo Cuberto de Atletismo.
Así, o orzamento base de licitación ascende esta vez a un total de 2.357.848,51 euros, IVE incluído, e o prazo de execución son 12 meses.
A intención desta obra, que está cofinanciada pola Secretaría Xeral para o Deporte e o Concello de Ribeira, radica en construir un pavillón que albergará unha zona de adestramento cuberta para atletismo
mediante un módulo que conta con pista de 5 rúas, zona de saltos, lanzamentos; espazos para ximnasio, sala de musculación e actividades de tecnificación para a práctica do taekwondo; construción de novos vestiarios, aseos e duchas e o seu equipamento; ademais das reformas de accesibilidade e acceso
ao primeiro andar.
O prazo límite para presentar ofertas é o 10 de abril ás 14 horas. Está programada unha visita para os potenciais interesados o vindeiro venres 24 de marzo, previa comunicación por correo electrónico a
obras.deporte@xunta.gal.
Cómpre lembrar que esta é a terceira vez en que se saca a licitación esta iniciativa despois de que as dúas primeiras quedasen desertas por mor do progresivo encarecementos dos custes dos materiais.
