Por máis voltas que se lle da ao asunto, en absoluto se clarifica o papel do Ministerio para a Transición Ecolóxica en materia tan sensible para o sector pesqueiro galego como é a eólica mariña. E, desbotado xa que exista un “consenso” do Goberno con este sector, queda por coñecer a fondo en que augas navega a Xunta nesa materia e cal é ou pode ser a decisión as respecto da Comisión Europea.
Porque, mentras os paìses membros da ONU acadan -após moitos anos de debate- un cualificado de “histórico” acordo para establecer un tratado que acubille as zonas mariñas protexidas que expertos e organizacións ecoloxistas consideran “vital” para salvar os océanos (o que debe facilitar que se cumpra a promesa internacional de salvagardar ao menos o 30% dos océanos para o ano 2030) e a Comisión Europea ignore que o equilibrio social e económico da actividade pesqueira son complementarios co equilibrio ambiental co que se debe exercer esta actividade para garantir a sustentabilidade e resiliencia do sector, a Política Pesqueira Común, e con ela o Goberno español, a vicepresidenta terceira e ministra para a Transición Eclóxica, Teresa Ribera, referíuse en Ferrol a pasada fin de semana aos Plans de Ordenación do Espazo Maríño (POEM) para salientar que estes ofrecen unha visión “garantista” tanto para usos tradicionais como para novas actividades e que, grazas a eses plans “os pescadores saben que non se pode desenvolver enerxía eólica fora deses polígonos”, o que, ao seu xuizo, “é unha garantía moi importante”.
O impacto que os polígonos da eólica mariña pode ter sobre a pesca é do máis estudado e, polo tanto, constátase “que non se pode demostrar ningún efecto negativo, aínda que esto non signifique que nos poidamos descoidar”, dixo a ministra.
Pola súa banda Xunta pide coñecer os argumentos técnicos da devandita ordenación. O conselleiro de Economía, Francisco Conde, solicitou á ministra Teresa Ribera que o seu departamento traslade ao Observatorio da Eólica Mariña os argumentos técnicos conducentes á ordenación dos espazos marítimos, como se tomaron as decisións e como se pode consensuar co sector e a Xunta todos os elementos que deben levar a que a eólica mariña sexa compatible co sector pesqueiro, polo que a Xunta trasladou ao Goberno a súa disposición para garantir que, efectivamente, “todos os traballos vaian orientados a que este desenvolvemento sexa compatible e poda convivir co sector pesqueiro”.
U-lo consenso, xa que logo?- Non dicían uns e outros que os POEM estaban consensuados polo Goberno, a Xunta e o sector da pesca?.
Alguén falou de máis. Seguramente.
