O sábado Galicia permanecerá na influencia das borrascas coa chegada dunha fronte polo litoral atlántico. Con esta situación agárdanse ceos cubertos, con chuvias máis persistentes no oeste da provincia da Coruña e que apenas chegarán á provincia de Ourense. As temperaturas mínimas ascenderán lixeiramente mentres que as máximas sufrirán un lixeiro descenso, polo que se agarda unha xornada de moi pouca oscilación térmica. O vento soprará moderado do suroeste, con intervalos fortes no extremo norte.
O domingo teremos un día de ceos con intervalos nubrados, con algúns orballos no oeste. Xa á noite comezarán as precipitacións de maior intensidade, sendo moderadas no litoral atlántico. As temperaturas mínimas sufrirán un lixeiro descenso, mentres que as máximas experimentarán un lixeiro ascenso. Os ventos soprarán do suroeste, moderados no interior, fortes no litoral, aumentando de intensidade co vance da tarde.
O noso mar: Vento do sudoeste á mañá e do sur á tarde e á noite, forza 4 a 5 á mañá e á tarde e 3 a 5 á noite. Forte marusía á mañá e á tarde e marusía á noite. Visibilidade mala á mañá e á tarde e regular á noite. Mar de fondo do noroeste á mañá e á tarde e oeste á noite, con ondas de 2.5 a 3 metros á mañá, 3 a 3.5 metros á tarde e 3 a 4 metros á noite.
Mareas
| Muros | ||
|---|---|---|
| Hora* | Altura | |
| Preamar | 06:06 | 3.7 m |
| Baixamar | 12:15 | 0.7 m |
| Preamar | 18:26 | 3.5 m |
| Vigo | ||
|---|---|---|
| Hora* | Altura | |
| Preamar | 05:58 | 3.6 m |
| Baixamar | 12:07 | 0.7 m |
| Preamar | 18:18 | 3.4 m |
| Vilagarcía | ||
|---|---|---|
| Hora* | Altura | |
| Preamar | 06:04 | 3.6 m |
| Baixamar | 12:12 | 0.7 m |
| Preamar | 18:23 | 3.5 m |
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
