Na mañá deste luns 27 de marzo, o xerente de Suministos Industriales Triñanes, Gonzalo Triñanes, visitou as instalacións da Asociación Ambar en Frións, Ribeira, para dar unha charla abeirada á formación en Industrias Alimentarias que se está a impartir no Centro de Recursos da Asociación Ambar, unha acción formativa financiada pola Fundación ONCE, e polo Fondo Social Europeo, Iniciativa de Emprego Xuvenil no marco do Programa Operativo de Emprego Xuvenil (POEJ).
Á sesion asistiu o alumnado da formación sobre Industria Alimentaria. A través desta acción trátase de promover a sustentabilidade e a calidade no emprego, favorecer a mobilidade laboral, así como reforzar a empregabilidade e as competencias profesionais das persoas novas e non integradas nos sistemas de educación ou formación.
Tamén estiveron presentes Milagros Rey, presidenta de Ambar; Jaime Capilla, coordinador da formación; Irene Paz, docente da formación e Laura Pego, coodinadora de comunicación. O acto dividiuse en tres partes: presentación, rolda de preguntas e un café con charla informal. Na súa charla Gonzalo Triñanes puxo o foco nas singularidades da súa empresa e nas bases necesarias para o traballo, facendo fincapé na importancia da seguridade na contorna laboral e nas bases que definen o seu traballo día a día: calidade de produtos, formación, modernización, seguimento, contacto e positividade.
Esta foi a cuarta xornada dun ciclo de conferencias con profesionais con experiencia na Industria Alimentaria. O pasado xoves 23 celebrouse a presentación de Adriana Rego representante do Grupo Cycle e este vindeiro xoves día 30, contarase ca presentación de Melisa Cespón, encargada de compras e azafata de eventos en Chicolino Restauración.
