M.A.- Tras consumar o descenso de maneira matemática a pasada fin de semana na cancha do Vóley Palma, o Rotogal Boiro Voleibol afronta este sábado 11 de marzo, ás seis da tarde, o último desprazamento do curso na Superliga. O conxunto de Emilio Palacio medirase ao Pamesa Teruel, que transita pola zona alta da táboa e está a realizar unha campaña notábel, no Pavillón dos Planos.
O conxunto boirense contará coa baixa de Mario Iglesias por motivos laborais. Acerca do encontro fronte ao Pamesa Teruel, Emilio Palacio, adestrador do Rotogal Boiro Voleibol, afirma que “o obxectivo é tentar sumar, tentar gañar algún set. Enfrontámonos a un rival que está a realizar unha gran tempada e que na primeira volta, na Cachada, foi un dos rivais máis aos que nos/nos enfrontamos”.
O Pamesa Teruel ocupa a terceira posición da Superliga, aínda que a pasada fin de semana sufriu un duro revés na súa cancha contra o líder Guaguas por 0-3. O oposto Rodrigo de Melo é o referente ofensivo do equipo aragonés, no que tamén destacan o líbero Aharón Gámiz e o central Víctor Méndez.
Precedentes
Tempada 2022-2023
Rotogal Boiro Voleibol, 0-Teruel, 3
Tempada 2021-2022
Rotogal Boiro Voleibol, 2-Teruel, 3
Teruel, 0-Rotogal Boiro Voleibol, 3
Tempada 2020-2021
Teruel, 3-Rotogal Boiro Voleibol, 0
Rotogal Boiro Voleibol, 2-Teruel, 3
