Ante as inquietudes manifestadas polos veciños da Ribeiriña polo proxecto de mellora e na accesibilidade da antiga escola unitaria , desde o Partido Popular de A Pobra manifestan que esta actuación é unha proposta levada ao pleno do pasado mes de xaneiro a iniciativa do tripartito que goberna o concello pobrense con maioría absoluta NP-BNG-PSOE.
Foi presentada ao pleno polo concelleiro do BNG, Xabier Santos, que con a maioría que ten o tripartito sairía aprobada, independente da postura que adoptase o Partido Popular . Actuación sobre a que non se nos pediu opinión en ningún momento.
A pesar de todo, o concelleiros do Partido Popular votaron a favor da mesma xa que a intención é trasladar e completar dita pista deportiva á chaira antigamente ocupada pola fábrica da Onza de Ouro, cun mellor acceso, máis aparcamento e como parte de un proxecto global de revitalación dunha zona de lecer e esparexemento agora abandonada, xunto á mellora do parque infantil, xardíns e a súa contorna.
