O Concello de Boiro, a través do departamento municipal de Emprego, impulso un blog que ten como finalidade facilitar á veciñanza ferramentas destinadas á procura de emprego. O servizo web Boiro Emprega contará con información sobre ofertas de traballo, axudas e subvencións, cursos formativos e outras temas de interese.
Segundo explica o Concello, este espazo pretende ser “un recurso eficaz e dinámico que responda ás demandas en materia de emprego e formación” e “que poida resultar de utilidade a todas as persoas que se atopen na procura dun posto laboral, que precisen información en materia formativa ou estean pensando en distintas posibilidades de emprendemento”.
Ademais de ofertas de emprego activas ou cursos de formación, neste blog estarán dispoñíbeis modelos diversos para elaborar un currículo e tamén outras ligazóns de interese á hora da procura activa de emprego.
O blog pode consultarse na ligazón boiroemprega.wordpress.com.
