O centro de día público de Rois contará cunha marquesiña

27 Marzo 2023

O xerente do Consorcio Galego de Servizos de Igualdade e Benestar, Perfecto Rodríguez, anunciou a firma dun convenio de colaboración co Concello de Rois para acometer melloras no centro de día pertencente á rede pública da Xunta de Galicia. Fíxoo nunha vista a este servizo de atención diúrna na que estivo acompañado do alcalde da localidade, Ramón Tojo.

Perfecto Rodríguez explicou que a contía do convenio ascenderá a 30.000 euros e que permitirá financiar a instalación dunha marquesiña á entrada do inmoble para que as persoas maiores se poidan resgardar os días de chuvia cando chegan ao centro no servizo de transporte. Tamén se sufragarán obras de impermeabilización e pintado da fachada do inmoble. Da execución dos traballos ocuparase o Concello e, con eles, o Consorcio atende unha petición do alcalde..

O xerente do ente autonómico subliñou a importancia de que as administracións autonómica e locais manteñan un diálogo e unha colaboración fluída para que as persoas maiores teñan unhas instalacións adecuadas e as máximas comodidades. Neste compromiso co benestar da veciñanza de máis idade enmárcase o programa de melloras e mantemento da rede de centros de día, residencias e vivendas comunitarias que depende do Consorcio.

O centro de día de Rois ten 40 prazas e iniciou a súa actividade en setembro do ano 2010 para dar coidados e atencións aos maiores deste municipio e da súa área de influencia. Na actualidade, presenta practicamente un 100% de ocupación.

Outros artigos

Artesáns impartirán obradoiros nos centros socioculturais da Pobra

Os centros socioculturais da Pobra do Caramiñal dinamizaranse con varios obradoiros artesáns de balde dentro do programa Feito coas túas mans que se estenderá ata finais de ano. Así o fixeron saber este martes 16 Amparo Cerecedo, concelleira da Promoción Económica,...

+

Publicidade

Revista en papel

Opinión

“Lisboa, luz cosmopolita”. Alberto Barciela

“Lisboa, luz cosmopolita”. Alberto Barciela

En apariencia, lo único que vemos de la ciudad es lo que la ciudad nos muestra. Lisboa es traslúcida, se da toda en su generosa actitud para quien se predispone a admirarla, para los que abren sus brazos con el fin de abarcar un pequeño pleno universo cosmopolita,...