O Centro Cultural Lustres Rivas dará cabida a unha nova exposición da man da Asociación Galega da Enfermidade de Dent.
A mostra está elaborada por Hugo Yáñez dentro da iniciativa Art For Dent. Este autor é un rapaz de nove anos foi diagnositcado da enfermidade de Dent en 2019. Trátase dunha doenza sen tratamento que afecta gravemente ó funcionamento dos riles.
A obras que constitúe My Selfie, versións de Francis Bacon, xurdiron durante o confinamento pola COVID-19 como unha terapia familiar e tamén co obxectivo de dar visibilidade a esta enfermidade minoritaria.
A inauguración desta exposición terá lugar o 7 de marzo ás 20.00 horas e poderá visitarse ata o 28 deste mes. Ademais organizaranse visitas grupais guiadas os días 21 e 28 previa reserva no 981 83 86 50.
