Na reunión celebrada polo Partido Galego o día 4 de marzo as 20:00 no Ateneo Valle-Inclán do Bar Plaza de Ribeira, elixiuse a Moisés Domínguez como cabeza de lista e a Óscar Casais como segundo de abordo de cara as próximas eleccións municipais convocadas para o 28 de maio. Amais, acordouse planificar a orde dos demais membros da lista electoral e programar as próximas actividades preelectorais do partido a nivel galego e municipal.
Moisés Domínguez ten 26 anos e é veciño da parroquia ribeirense de Oleiros. De estado civil solteiro é graduado en Administración e Dirección de Empresas pola Universidade de Santiago de Compostela, e conta cun Ciclo Superior en Administración e Finanzas.
Moisés foi representante do alumnado no Claustro da Universidade de Santiago de Compostela e na Xunta da Facultade de Ciencias Económicas e Empresariais. Ademais está fortemente implicado na vida veciñal de Ribeira sendo o administrador tesoureiro da Comisión de Festas de Oleiros durante 8 anos.
Este sábado 11 de marzo o PG terá no Hotel Santiago a súa Convención Electoral Municipal na que se reunirán todas as agrupacións do partido a nivel galego e serán presentados os diversos alcaldábeis dos distintos concellos nos que existan candidaturas formadas.
