Este venres 17 de marzo, a ABE comunicou o remate das últimas caixas de Bono Negocios 10 lanzados pola asociación esta tempada, destinados a dinamizar o comercio local nesta recta final do inverno. No balance, foron 300, finalmente, as caixas postas á venta, cada unha cun valor de 50 € (pero custando a cada cliente só 40€, xa que levaban 10 € de agasallo para que os empregasen nos establecementos asociados).
A patronal boirense tamén explicou que en total mobilizáronse 15.000€ na campaña, que repercutirán nos negocios asociados e que, como recorda o presidente, Daniel García pódense utilizar en todos os sectores da ABE “non só en roupa ou calzado senón tamén en alimentación, supermercados, gasolina, restaurantes, dentistas, masaxes…”
García engadiu que a campaña “foi un éxito sen precedentes xa que en apenas dúas semanas os clientes mercaron as 300 caixas das que se dispuña” e ademais destacou que “ao ser prepagables, garanten que o importe total de venta de Bonos inflúa positivamente nos negocios asociados, xa que en iniciativas deste tipo a maioría de veces descargase o bono e despois podes ou non utilizalo”
Recordou tamén que os clientes que as mercaron teñen ata o 15 de abril para gastalas nos mais de 200 #negocios10 asociados a ABE.