O pleno da Corporación de Outes aprobou finalmente o inicio do expediente de convenio coa Deputación da Coruña para a mellora do Campo de Fútbol do Conchido. A través deste proxecto procederase á renovación do céspede artificial do campo, que segundo confirmaron fontes do Goberno local, atópase na actualidade moi desgastado. Tamén está previsto ampliar as dimensións do terreo de xogo pasando de 58×98 a 60×100 m.
A Deputación achegará 140.000 € euros. O Concello, pola súa banda, comprométese a achegar o resto do investimento (136.000 €), con fondos propios e/ou achegas doutras administracións.
