A coñecida como Operación Cigarreira comezou o pasado mes de novembro, cando se detectou na localidade coruñesa un punto de venda ao que acudían varios drogodependentes da comarca de barbanza para comprar as súas doses diarias.
No transcurso da investigación, foron varias as chamadas e queixas veciñais que confirmaron ás forzas de seguridade o que estaba a suceder. Algunhas das persoas que pasaban polo punto de venda eran xa coñecidas por ter antecedentes por varios delitos. Os locais da zona tamén rexistraron furtos e roubos vinculados ás persoas que acudían ata o lugar.
As probas conduciron aos axentes á detención de dous homes, un pai e un fillo, involucrados na venda de estupefacientes, así como á investigación doutras catro persoas, dous homes e dúas mulleres que actuaban como subministradores intermedios.
En total, a Garda Civil aprehendió 351 dose de heroína e 176 dose de cocaína, así como 475 euros en efectivo, un vehículo e dous teléfonos móbiles. Aos consumidores, os axentes lles requisaron 37 dose de heroína, 4 dose de cocaína e 2,28 gramos de marihuana. O valor total das substancias roldaría os 10.000 euros.
As dilixencias foron remitidas ao Xulgado de Primeira Instancia e Instrución nº 3 de Ribeira .
