As augas de Villagarcia e en particular o centenario RCR de Galicia poñen o broche de ouro a esta
Liga de Cruceiros Ría de Arousa 2023, que desde o pasado 21 de xaneiro púxose en xogo
entre os distintos clubs que conforman a organización. O CN Arousa Norte, o náutico e
deportivo de Ribeira, o CN de Rianxo e o RCR de Galicia formaron un tándem perfecto para que
a vela pesada seguise un ano máis competindo durante os meses de inverno na Ría de Arousa.
A esta definitiva e emocionante etapa chegan líderes os vilagarciáns Santanas e Fixius en clase
regata e cruceiro-regata e o Orlando do CN Arousa Norte en clase cruceiro, pero non poden
cantar vitoria prematuramente, pois pouco é a marxe que os separa dos seus perseguidores.
Na clase que engloba aos máis grandes da frota, o Santanas, de José M. Millán, ten
moito camiño andado para a vitoria final e só unha hecatombe pode facer que perda o
liderado, pero seguen saltando faíscas na pelexa pola segunda praza entre o riveirense
Moucho e o pobrense Chispetren, separados por un só punto.
En cruceiro-regata o toma e daca que comezaron o Cámping Ría de Arousa e o Fixius en xaneiro
segue vixente e o primeiro debido a que a día de hoxe ten o Fixius pende dun fío, xa que se o
Cámping supera nesta última xornada ao 27.7 de Miguel Perez-Lafuente valeríalle para levar
o trofeo para augas pobrenses.
Na clase cruceiro parece que as augas están máis tranquilas e o líder Orlando, de Gerardo
Sánchez Brunete, chega a esta última xornada cos deberes feitos. Segundo posto para o
riveirense Galopin-Success Scream con bastante vantaxe sobre o Thor, terceiro, que terá que
mirar polo retrovisor para non perder a súa posición no podium en beneficio do Iamir, agora
mesmo cuarto, pero a só dous puntos do barco do CN Arousa Norte.
Nos momentos previos á saída gardarase un minuto de silencio en recordo de Chuco
Pérez Lafuente, persoa moi vinculada ao deporte da vela en Galicia e en particular en Villagarcia.
Ao finalizar esta última etapa celebrarase a entrega de trofeos na sede do Real Club De Regatas
de Galicia.