Reunidos de urxencia esta mañá o alcalde Manuel Ruiz cos patróns maiores de Aguiño, Palmeira e Ribeira (José Antonio Santamaría, Miguel Franco e José Antonio Pérez), os comparecentes desexan expresar a súa gran preocupación a tenor da politización dun tema que, entenden, debe solucionarse a través do diálogo.
Consideran que regular este asunto era unha cuestión de xustiza na que non pesaba tanto o volume económico que se move, como a subsistencia, ou non, dun recurso do que viven máis de 1.400
familias. Neste senso, os percebeiros non teñen máis posibilidade de extraer o seu produto que das pedras e o seu coidado; en tanto que o sector bateeiro si pode dispoñer de colectores e outras alternativas.
A extracción da mexilla esixía unha regulación serie e rigorosa como a que efectivamente se elaborou, sustentada en informes técnicos e científicos, por canto a produción deste sector experimentou un
importante incremento nos últimos anos.
Apoiamos á Conselleira do Mar, sabedores de que o talante dialogante que sempre ten demostrado fai de Rosa Quintana a persoa adecuada para solucionar a situación. Apoiamos igualmente o decreto regulador, e cuestionamos a politización que se está facendo deste asunto, entendida como un posicionamento interesado e no que se están obviando os informes técnicos e científicos que deron
pé a esa normativa.
Por último, facendo uso da atribucións que lle confire o seu regulamento orgánico, o goberno do Concello de Ribeira convocará o Consello Local de Pesca para a próxima semana.
Extinguido o incendio forestal do concello coruñés de Rois, parroquia de Leroño
A Consellería do Medio Rural informa de que o incendio forestal rexistrado no concello coruñés de Rois, na parroquia de Leroño, quedou extinguido ás 18,49 h desta tarde e afectou unha superficie de 130 hectáreas, das cales 124 corresponden a monte arborado e as 6...