Ocorreu minutos antes das 9 horas desta mañá, e o único implicado non requiriu ser trasladado a un centro hospitalario.
O alertador foi un particular que se atopaba no lugar dos feitos: un camión formigoneira acababa de envorcar lateralmente no quilómetro 1 da estrada DP-7301, en Carreira (Ribeira). O vehículo quedara no marxe dereito da estrada e non obstaculizaba a circulación.
Os xestores do 112 Galicia informaron a Urxencias Sanitarias de Galicia-061, aos Bombeiros de Ribeira e de Boiro, ao Grupo de Emerxencias Municipal, á Policía Local e aos voluntarios de Protección Civil de Ribeira, á Garda Civil de Tráfico e aos servizos de mantemento das estradas.
A chegada dos medios de emerxencias provocou que un dos carrís queda cortado ao tráfico e xeráronse retencións nesa zona, polo que os axentes municipais encargáronse de regular a circulación, dando paso alternativo ata que se recuperou a normalidade tras a retirada dos medios desprazados.
Fotos: Canal Accidentes y Noticias
