Isabel Maestre, Lola a da Cueva, Ermitas do Sindicato, Carmen de Adolcar e Maruja de Fontán, mulleres senlleiras de Cimadevila que destacaron en moitos eidos da súa vida, foron as protagonistas deste 8-M (Día da Muller) en Boiro. Os colectivos Ambar, Amicos e Cruz Vermella realizaron a lectura dun manifesto colectivo.
Senlleiras de Cimadevila é o título do mural que se realizou arredor da figura de mulleres senlleiras do barrio que destacan principalmente por “ser pioneiras en ter un traballo fóra da casa que lles permitiu ter un sustento económico”. Todas eles teñen o sector téxtil, un sector fundamental no municipio, como nexo común.
A previsión meteorolóxica non permitiu realizar a visita prevista ao mural en Cimadevila. Porén, malia non poder desenvolverse a totalidade do programa previsto de actividades, tres das cinco mulleres ás que se lle dedica a celebración deste 8-M, Carmen de Adolcar, Ermitas do Sindicato e Maruja de Fontán, falaron da súa experiencia e do seu traballo no sector.
Para finalizar os actos conmemorativos do Día da Muller, que contaron co acompañamento musical de Rut García, mulleres dos colectivos Ambar, Amicos e Cruz Vemella fixeron a lectura dun manifesto colectivo reivindicando o papel da muller e a importancia da igualdade de oportunidades.
