Mulleres do Barbanza (Mulleres en Acción) e o grupo local de Amnistía Internacional Barbanza colaboran na organización dunha charla coa que botar luz sobre a realidade das mulleres e as nenas en Afganistán. Será, máis concretamente, unha cita con Massouda Kohistani, activista afgá refuxiada en España. A charla celébrase en formato aberto este sábado 25 de marzo ás 19:30 horas. “Da man da relatora, poderemos descubrir a situación de indefensión na que están a vivir as mulleres e nenas de Afganistán dende que se producise a volta dos talibáns en agosto de 2021”, explican as entidades organizadoras, engadindo que a cita será o Auditorio Valle-Inclán, na Pobra do Caramiñal.
A charla é unha parada na nosa comarca que forma parte da xira que está a realizar Massouda Kohistani por diversas localidades da xeografía galega, organizadas por Amnistía Internacional Galicia.
