A Asociación Ambar dar persoas con diversidade funcional abre as inscricións para a formación ‘Actividades Auxiliares de Comercio, Almacén e Reparto a Domicilio’ que impartirá no seu Centro de Recursos da Barbanza. A formación comezará o 10 de abril no Centro de Recursos da Asociación Ambar en Ribeira.
Esta formación está destinada a persoas con diversidade funcional e ten como obxectivo que as persoas participantes obteñan un perfil polivalente na área de comercio, para a ocupación de postos como repoñedores, repartidores ou auxiliares de comercio.
A formación, totalmente gratuíta, conta cun beca de asistencia e servizo de transporte para todas as persoas participantes. As prazas son limitadas.
Os requisitos para inscribirse son:
• Ter recoñecido un grao de diversidade mínimo do 33%
• Estar inscrito no Servizo Público de Emprego como demandante de Emprego.
• Ao inicio da formación deberase aportar a acreditación da demanda de emprego (DARDE) en vigor, expedida polo Servizo Público de Emprego.
• Para obter a titulación hai que asistir ao 85% do curso.
Esta formación é posible grazas á financiación da Fundación ONCE concedida na ‘Convocatoria de Axudas económicas para a Selección de Operacións para o Reforzo da Empregabilidade de Persoas Xoves con Discapacidade “Uno a Uno” e enmárcase no Programa de Emprego Xuvenil (POEJ) do Fondo Social Europeo “ O FSE inviste no teu futuro.”
Esta formación está destinada a ocupación de persoas con diversidade funcional no sector do comercio.
A formación conta cun total de 320 horas, divididas en 200 horas de formación teórica e 120 horas de formación práctica en empresa. Comezará o 10 de abril de 2023 e rematará o 19 de setembro de 2023.
Inscricións
As persoas interesadas poden formalizar a súa inscrición:
• Chamando directamente ó 673 879 034
• Na web da entidade https://asociacionambar.org/incricions-abertas-na-formacion-gratuita-sobre-actividades-auxiliares-de-comercio-almacen-e-reparto-a-domicilio/de
