O Conservatorio de Música Profesional ‘Enrique Paisal’ informa de que no día de hoxe abre a inscrición para asistir ao obradoiro de preparación da proba de acceso a este centro musical.
Trátase dun curso de carácter gratuíto e dirixido a nenos e nenas de entre os 8 e os 14 anos no que, durante catro semanas, traballaranse os contidos que van integrar a proba de acceso ao 1º curso do Grao Elemental (proba de carácter obrigatorio, e que terá lugar na última semana de maio). Ademais disto os nenos e nenas poderán, mediante as presentacións do profesorado e alumnado do centro, ter o primeiro contacto coas distintas especialidades que se imparten no conservatorio.
Este primeiro contacto pretende axudalos na elección da especialidade que a partir de setembro queiran estudar. O horario a elixir será o proposto no cadro inferior e contará cun máximo de 12 prazas e un mínimo de 6 inscritos por grupo para levarse a cabo.
As inscricións aceptaranse por rigurosa orde de entrega deste formulario no email secretario.conservatorio@ribeira.gal Unha vez recibido o formulario contestarase indicando a confirmación de praza. En caso de que nalgún grupo non se cubran as prazas mínimas intentarase reubicar ao alumnado inscrito noutros grupos.
