O grupo municipal da Marea de Noia reclamará a inmediata posta en marcha no vindeiro pleno de Noia da depuradora de Pontenafonso e pedirán que se explique porque en tres anos non se puxo en funcionamento a mesma.
O candidato á alcaldía da Marea Cidadá de Noia, Manolo Seijas asegura non entender as razón polas que o goberno de Noia non foi capaz de poñer en funcionamento a Depuradora de Pontenafonso que leva 3 anos construída.
“ Unha obra que tivo un custe de 70.000€, non pode levar 3 anos parada e sen poñer en marcha” asegura que se trata “ doutro exemplo claro na nula capacidade deste goberno para acometer as xestións do día a día” e denunciou a falta de compromiso do goberno de Santiago Freire co medioambiente “ seguimos vertendo directamente aguas fecais, a pesar de ter unha depuradora feita”.
Dende a Marea aseguran ter serias dúbidas se o sistema de depuración de augas funcionará ao estar tanto tempo paralizado. “Neste momento o equipamento non conta con conexión á rede eléctrica”
