O Concello de Rianxo compartiu a axenda de actos de Semana Santa organizados pola Irmandade da Paixón de Cristo de Rianxo. O programa deu comezo este 3 de marzo, cunha misa solemne na honra de Xesús Nazareno. Proseguen este día 25, con outra misa solemne (19.00 horas) e coa imposición de medallas encadrada no programa da Irmandade da Paixón de Cristo. Ademais, os días 29, 30 e 31 celebrarase o triduo na honra da Nosa Señora dos Dolores (con misa os días 29 e 30, ás 20.00 horas, e misa solemne o día 31, ás 20.00 horas con procesión ao rematar o oficio).
Xa en abril, o día 2 (Domingo de Ramos) celebrarase ás 11.30 horas a tradicional Procesión de Ramos dende a Igrexa Parroquial até a Capela da Nosa Señora da Guadalupe, onde serán bendicidos os ramos para regresaren logo os fregueses á igrexa parroquial e oficiarse a Santa Misa.
O 5 de abril (Mércores Santo) haberá dous grandes actos relixiosos: ás 20.00 horas o acto de ánimas e confesións e ás 21.00 horas o via crucis penitencial polas rúas de Ranxo.
No 6 de abril (Xoves Santo) celebrase a Santa Misa da Cea do Señor ás 20.00 horas e ás 21.30 horas a procesión e, ao rematar o percorrido, a celebración da Hora Santa.
As actividades do Venres Santo (7 de abril) arrincarán ás 10.00 horas co Anuncio do Santo Encontro polas rúas de Rianxo, a cargo da Banda de Tambores da Irmandade da Paixón de Cristo. Ás 11 horas celebrarase o Santo Encontro, ás 19h os Santos Oficios (Adoración da Cruz), ás 20.30 a cerimonia do Desencravo e ás 22h a Procesión do Santo Enterro.
O 8 de abril, Sábado Santo, inclúe ás 21.00 horas a cerimonia da Vixilia Pascual.
A axenda rematará o Domingo de Resurrección, 9 de abril, cunha Misa de Resurrección ás 12.00 horas.
Segundo informou a Irmandade, en caso de choiva os actos desenvolverase no interior da Igrexa Parroquial de Rianxo.
O programa vén da man da Irmandade da Paixón de Cristo de Rianxo en colaboración co Concello.
