A Confraría de Pescadores de Noia denunciou que a Xunta “trata de apartala” dos recursos para tratar de paralizar a vertedura autorizada á mina de San Finx e avanzou que recorrerá a decisión de forma “inmediata” ante o Tribunal Superior de Xustiza de Galicia (TSXG) e “non descarta iniciar novas accións pola vía penal” fronte aos altos cargos responsables “de confirmarse os indicios dun posible delito de prevaricación”.
A Confraría de Pescadores de Noia denuncia que a Xunta non considere agora a esta institución como representativa dos intereses económicos de case 2.000 mariscadores que traballan nos bancos da ría de Muros e Noia ou os 17,5 millóns de euros de facturación de 2021 e que iso non xustifique o interese no caso.
Ademais, para esta entidade, a decisión de Macho é “particularmente grave” porque ocupou cargos de subdirector xeral e vicesecretario xeral da Consellería do Mar, “coñecendo persoalmente a situación do sector e as responsabilidades dos depósitos”.