A ABE fixo un novo balance da actividade xerada polos seus Bonos Negocios 10, campaña de promoción comercial centrada en incentivar as ventas nos negocios asociados con bonos de xeito análogo ao Bonos Activa Comercio da Xunta. Ao abeiro desta nova iniciativa, a entidade puxo á venda 200 caixas de bonos #negocios10 que teñen un valor de 50 € pero que ao cliente só lle custan 40€, “polo que levan 10 euros de regalo como aliciente para que sexan usados nos establecementos asociados”. Tras esgotarse as primeiras 200 caixas, a ABE decidiu lanzar 100 novas caixas.
As persoas interesadas en adquirilas deben pasar polas oficinas da ABE para mercalas ata esgotar existencias, e desta volta, sinala a patronal, “non haberá restricións de compra”, polo que os clientes poderán mercar o número de caixas que queiran. Como explica o presidente da ABE, Daniel García, “esta liberalización vén motivada porque detectamos que había moitos clientes interesados en comprar os bonos pero que, por diferentes motivos, non podían desprazarse a realizar a compra ás oficinas da ABE”
Así mesmo o presidente quixo lembrar que os bonos pódense utilizar en todos vos sectores da ABE “non só en roupa ou calzado senón tamén en alimentación, supermercados, gasolina, restaurantes, dentistas, masaxes…”
A caixa contén unha listaxe con todos os negocios onde se poden empregar e entrégase unha exclusiva bolsa de algodón orgánico de agasallo.
As bases completas da campaña podar consultar na web da ABE, www.abel.gal.
