En Boiro, o incendio da cociña dunha vivenda na parroquia de Cespón requiriu da intervención dos servizos sanitarios, que trasladaron a unha persoa por inhalación de fume.
Ás 19 horas, o particular que alertou ao 112 Galicia explicaba que, aínda que nun principio non había persoas feridas, naquel momento varios veciños trataban de apagar o lume.
Os xestores do 112 puxeron os feitos en coñecemento de Urxencias Sanitarias de Galicia-061, da Garda Civil e dos Bombeiros e Protección Civil de Boiro, así como do persoal do Concello.
Así, os Bombeiros encargáronse de atallar as lapas, que queimaron parcialmente a cociña da vivenda, tralo que o persoal sanitario tivo que evacuar a unha das persoas por inhalación de fume.
