O Entroido de Porto do Son prosegue este martes 21 e este mércores 22 con importantes actividades, logo do fervedoiro de creatividade, participación e repercusión dos concursos de disfraces para rapaces do sábado 18 e do certame de adultos deste luns 20 (a través dos cales repartíronse máis de 3.500 euros en premios). Por certo que quen queira consultar o palmarés ou simplemente comprobar os altos niveis de talento que adquiriu este ano o Entroido na vila sonense, pode facelo a través do Facebook municipal, onde se achegaron centos de imaxes sobre as actividades destes pasados días.
As actividades do Entroido volve este luns 21 de febreiro, desta volta poñendo o foco na rapazada, con inchábeis a partir das 17.00 horas no Polideportivo de Santa Irene.
O día seguinte, 22 de febreiro, celebrarase o tradicional Enterro do Felipiño. A saída será ás 19.30 horas da Casa da Cultura de Porto do Son. A comitiva percorrerá as rúas do centro histórico do Son até o Tendedeiro, na fachada marítima.
