O Concello de Boiro, coa colaboración co Foro Ecolóxico de Boiro en labores de impulso e promoción, prosegue este mes de febreiro cunha nova edición do Mercado Eco-lóxico, que se vén celebrando (e volve celebrarse co inicio de 2023) cada segundo e cuarto sábado do mes na praza do Centro Social de Boiro, en horario de 10.00 a 14.00 horas. A seguinte quenda será, polo tanto, este 11 de febreiro, de 10.00 a 14.00 horas, na praza do Centro Social de Boiro. O Mercado Eco-lóxico de Boiro volverá o cuarto sábado do mes, ou sexa, o 25 de febreiro, na mesma localización e no mesmo horario.
Haberá, unha vez máis, diferentes postos de venda con produtos frescos de horta local e de tempada, alimentación, artesanía, e artesanía de reciclaxe.
O Mercado Eco-lóxico de Boiro desenvólvese como dixemos os segundos e cuartos sábados do mes na Praza da Terceira Idade co obxectivo de potenciar o mercado de produtos ecolóxicos e de proximidade co obxectivo de establecer sinerxías entre este sector e os demais establecementos de hostalaría e comercio do municipio.
