O vindeiro mes vaise celebrar o Trail de Ponte Nafonso, da man do Concello de Outes (Área de Deportes) en colaboración co Club de Atletismo Outes e Arousa Neo e ao abeiro do ciclo deportivo Trail Series Run 2023. Será o 5 de marzo, a partir das 10.30 horas. Inclúense tres modalidades: o Trail longo de 21 quilómetros, o Trail curto de 14 quilómetros e a Andaina de 14 quilómetros. O peche de inscricións é o 26 de febreiro. Quen queira apuntarse pode facelo na Rede a través de Magmasports.es.
Segundo informa o Concello, o Trail de Outes foi “reinventado de principio a fin” e presenta, polo tanto, un percorrido totalmente novo, con punto de saída e chegada en Ponte Nafonso, “emblema histórico e artístico dunha ponte única, acompañando a ruta trazada de lugares máxicos como o monte da Pena ou as ribeiras do Tambre”, segundo explican as entidades organizadoras.
Ficha técnica
Data: Domingo 5/3/2023
Hora: 10:30 h.
Lugar de saida/meta: Ponte Nafonso
Distancias: 21 km – 14 km – Andaina 14 km
Desniveis+: 1000 m+ ou 610 m+
Tempos de corte:
21 km: tempo máximo 3 h. – Corte: no km. 9 en 1:30 h.
14 km: tempo máximo 2:30 h.
Avituallamentos: 3 na distancia longa – 2 na distancia curta (incluíndo o de meta)
Período de inscricións: apertura o 15/11/2022 – peche 26/2/2023 ás 23:59 h.
Duchas: Centro de Piragüismo de Ponte Nafonso
Prezo: 20 € ou 15 € (Andaina 7 €)
