A conserveira galega Jealsa obtivo a certificación Xestión Residuo Cero, que asegura a organización dun “sistema de control e seguimento” dos residuos que xera a empresa, e que non se eliminan na entulleira.
O diploma certifica a responsabilidade da firma coa sustentabilidade. Jealsa sinala que tamén favorece a optimización dos procesos e a creación de sistemas para reducir custos na xestión de residuos.
Bureau Veritas, a compañía encargada da auditoría, avaliou o sistema de control dos residuos de Jealsa, mediante mostras da cantidade e porcentaxe que se trasladaron á entulleira o ano antes deste proceso. Para iso, a empresa realizou visitas nas instalacións de Conservas Rianxeira, nas que comprobaron o proceso e o cumprimento dos requisitos legais.
Tras a auditoría Bureau Veritas entregou á empresa boirense o certificado de Xestión Residuo Cero cunha nota de Excelente, realizando unha xestión alternativa á entulleira de máis do 90% dos residuos xerados.
Os efectos do cambio climático e o aumento no consumo de materiais fan que sexa necesario que goberno e empresas #expor estratexias de economía circular e de maior eficiencia de recursos, para así cumprir cos Obxectivos de Desenvolvemento Sostible.
Jealsa busca posicionarse no mercados mostrando o seu interese cara á transición sostible, cun modelo centrado na economía circular. Cada vez son máis as empresas que adoptan obxectivos para implementar políticas de residuo cero á entulleira, aumentando así os índices de reciclaxe.
