O presidente do Partido Popular na provincia da Coruña, Diego Calvo, avalou hoxe a Fran Calo como o cabeza de lista dos populares no Concello de Outes nas eleccións municipais que se celebrarán o próximo 28 de maio.
Acompañado polo secretario xeral dos populares na provincia, Evaristo Ben, e por numerosos militantes e simpatizantes do Partido Popular de Outes, Calvo comezou a súa intervención no acto de presentación do candidato agradecendo o “traballo, o esforzo e a dedicación” mostrada durante todos estes anos pola actual voceira municipal e anterior candidata Beatriz Muíños. “Se hoxe estamos aquí é gracias tamén a xente como Beatriz e que todo o seu equipo que soubo dar a cara durante estes anos”, afirmou, o
líder provincial que tamén recordou a figura de Carlos López Crespo de quen dixo “foi un Convencido de que a “paixón” coa que Fran Calo fala sempre de Outes e o “orgulloso” que se sente de nacer, vir e traballar neste municipio son aspectos que o avalan “para ser o alcalde que necesitan os veciños”, Calvo destacou a “valentía” que o candidato mostrou á hora de dar o paso á fronte para asumir o resto de encabezar un proxecto que ten como obxectivo, dixo, recuperar a alcaldía perdida no 2019.
“Os que coñecemos a Fran sabemos que non lle ten medo a case nada, que non se arruga ante as dificultades e que sempre está disposto a traballar duro no que cree”, afirmou o presidente popular, quen subliñou que esa entrega será “necesaria” durante os próximos meses para afrontar a campaña das municipais.
Durante a súa intervención, Calvo, que reclamou a axuda de todos os que queren un cambio de rumbo para Outes, fixo fincapé é que é o momento de “aglutinar todas as forzas posibles” para terminar cun Goberno Local que, ao seu xuízo, o único que conseguiu nestes anos á fronte do concello é botar por terra todo o traballo realizado polos populares con anterioridade.
Falar de Outes en positivo
Neste sentido, Calvo subliñou que os veciños do Concello de Outes merécense un executivo que consiga que se volva a falar en positivo do municipio. “Temos que deixar atrás os problemas pola falta de pagamento das facturas, pola perda de axudas ou pola incapacidade do alcalde para ofrecer oportunidades á xente que, como Fran, queren seguir vivindo aquí e traballando aquí”, apuntou.
O líder dos populares deixou claro que a consecución dese obxectivo pasa polo feito de que os populares armen un proxecto que ilusione a todos os veciños. “No momento no que estamos, a xente necesita certezas, necesita un alcalde do que se poidan fiar e necesitan un goberno local que, como xa fixemos en anteriores etapas, sexa capaz de xestionar o día a día do concello”, defendeu Calvo.
Sobre este punto, o candidato dos populares á alcaldía comprometeuse “traballar, traballar e seguir traballando” porque, indicou, é o único camiño que coñece para poder alcanzar as metas que un se propón na vida. “Non imos escatimar nin un esforzo. Debémosllo o de debemos aos veciños e debémosllo a todos aqueles que sentimos o Concello de Outes como algo moi noso”, subliñou Calo.
