A Aula CeMIT do Concello de Boiro vai comezar marzo con novas actividades de formación tecnolóxica, destinadas (neste caso) a capacitar á veciñanza en ámbitos como a ofimática ou o uso de ferramentas dixitais de xestión empresarial. De feito, a axenda para marzo e abril porá o foco nas posibilidades de LibreOffice, a suite libre de ofimática. En todos os módulos de formación ofertados haberá posibilidade de examinarse para obter un certificado oficial ao remate de cada curso.
Vaise impartir formación en Competencias dixitais en procesador de textos Writer, do 7 ao 15 de marzo en horario de 10.30 a 12.00 horas, e tamén Competencias dixitais en folla da cálculo Calc entre o 20 e o 29 de marzo de 10.30 a 12.00 horas.
Ademais, convocáronse obradoiros en Competencias dixitais en base de datos con Base, do 10 ao 20 de abril entre as 10.30 e as 12.00 horas, e en Competencias dixitais en elaboración de presentacións con Impress, do 24 ao 26 de abril de 10.30 a 12.00 horas.
Para más información e para formalizar as inscricións nos cursos na Aula CeMIT do Centro Social de Boiro, cómpre enviar un enderezo electrónico a axentetic@boiro.org ou contactar coa aula a través dos teléfonos 981 84 26 35 ou 629 769 139.
