Na mañá deste 15 de febreiro celebrouse na sede da ABE (Asociación Boirense de Empresarios) o sorteo dos premios da Campaña de San Valentín celebrada entre o 3 e o 14 de febreiro co obxectivo de “premiar a fidelidade dos clientes dos negocios asociados”. Nesta ocasión os premios a sortear (Bonos Boiro Romántico) foron dúas experiencias en Boiro para dúas persoas que poden incluír dende xantar, sobremesa, café, tomar algo, cear, baile e copas, aloxamento ou mesmo ata un taxi para desprazarse. “Son dúas experiencias totalmente configurábeis ao gusto das parellas premiadas”, informou a ABE.
Para participar no sorteo os clientes debían rexistrar os tíckets de compra de calquera negocio asociado a ABE na web www.abe.gal entre as datas indicadas e foron 699 os rexistros válidos entre os que se realizou o sorteo.
As persoas premiadas foron Teresa por unha compra realizada en JEALSA Factory Shop e Carla Romero por unha compra realizada en Deportes Sr Balón.
Nos próximos días a ABE contactará cos premiados e fará entrega dos bonos románticos que “poderán configurar ao seu gusto” e “que non teñen caducidade”, informou a patronal boirense, que lembra que “todos os tíckets rexistrados tamén acumulan puntos para cambiar por agasallos do catálogo de premios ABE durante todo o ano”.
