A ABE (Asociación Boirense de Empresarios) pon en marcha este venres de 3 de febreiro unha nova campaña de promoción con motivo da festividade de San Valentín (14 de marzo) co obxectivo de p”remiar a fidelidade dos clientes dos negocios asociados”.
Nesta ocasión os premios son dúas experiencias románticas en Boiro para dúas persoas que poden incluír dende xantar, sobremesa, café, tomar algo, cear, baile e copas, aloxamento ou mesmo un taxi para desprazarse. “Serán dúas experiencias totalmente configurábeis ao gusto das parellas premiadas”, explican dende ABE, engadindo que para participar no sorteo os clientes deben rexistrar os tíckets de compra de calquera negocio asociado a ABE na web www.abe.gal entre o 3 e o 14 de febreiro e o sorteo realizarase o mércores 15 de febreiro.
A patronal boirense lembra que os tíckets que se rexistren para esta campaña tamén acumulan puntos ABE para cambiar por agasallos do catálogo.
Esta campaña conta con financiamento da Xunta de Galicia.
