O Concello de Boiro, coa colaboración co Foro Ecolóxico de Boiro en materia de impulso e promoción, comeza o ano con novas actividades coas que reivindicar xeitos saudábeis e sustentábeis de consumir produtos agrícolas e de artesanía. Estamos a falar das novas edicións do seu Mercado Eco-lóxico programadas para este mes de xaneiro, que se celebran (e volven celebrarse co inicio de 2023) cada segundo e cuarto sábado do mes na praza do Centro Social de Boiro, en horario de 10.00 a 14.00 horas. Haberá, unha vez máis, diferentes postos de venda con produtos frescos de horta local e de tempada, alimentación, artesanía, e artesanía de reciclaxe.
O Mercado Eco-lóxico de Boiro celébrase como dixemos os segundos e cuartos sábados do mes na Praza da Terceira Idade co obxectivo de potenciar o mercado de produtos ecolóxicos e de proximidade co obxectivo de establecer sinerxías entre este sector e os demais establecementos de hostalaría e comercio do municipio.
En xaneiro desenvolveranse os días 14 e 28, a partir das 10.00 horas.
