O deputado provincial Xosé L. Penas visitou o Concello de Dodro da man do concelleiro da Área de Servizos Sociais e Benestar, Xoán Bautista Mariño. Na súa xuntanza de traballo abordaron cuestións de urxencia para a Administración local nas que ten marxe de actuación a Deputación da Coruña. Tamén confirmaron que coa achega do Plan de Obras e Servizos (POS) Social 2023 da entidade provincial, 33.153,51 euros, aprobado no pleno da Deputación da Coruña, Servizos Sociais de Dodro reforzará o persoal municipal e mellorará as prestacións á cidadanía. Amais, actualizarase o equipamento informático do Concello e as súas diferentes dependencias.
