O Concello de Porto do Son sacou a licitación os traballos para pavimentar unha vía no núcleo de O Fieiro, na parroquia de Miñortos. O que se busca con este proxecto é acondicionar o camiño que conecta o dito lugar co de Miñortos. Segundo informaron fontes do Concello, a día de hoxe a vía está moi deteriorada polo paso do tempo, o uso e as inclemencias climáticas, ao que se suman certos problemas de transitabilidade ocasionados polas obras recentes de saneamento. O obxectivo é dotar o camiño dun pavimento resistente e equipalo coas infraestruturas precisas que garantan a recollida de pluviais. Aplicarase formigón semipulido na zona de circulación de vehículos e lastras cadradas de granito (adoquíns) nas beirarrúas. O orzamento é de 41.000 euros.
