A Casa da Cultura de Boiro acolle este venres 13 de xaneiro unha conferencia sobre cetrería, a partir das 17.30 horas e organizada pola Sociedade Galega de Cetrería en colaboración coa empresa Falcóns Galicia, con sede na Pobra. A xuntanza, que se desenvolve baixo o epígrafe Cetrería e a súa aportación á conservación, comezará á dita hora cunha exhibición de voo das modalidades de adestramento de aves, seguida da conferencia en si mesma.
Máis en detalle, trátase dun encontro divulgativo sobre adestramento de aves que inclúen, entre outras actividades, unha exhibición de voo con falcóns no Parque da Cachada e, tamén, conferencias sobre o materia baixo o epígrafe A cetrería e a súa contribución á conservación das especies, nas que se proxectarán vídeos e faranse presentacións visuais. Serán na Casa da Cultura emprazada na Cachada, en Boiro.
Nas xornadas de cetrería abordaranse as características, costumes e hábitos en natureza dalgunhas das aves rapaces que habitan a nosa contorna. Para ilustrar todo isto, organizaranse exhibicións presenciais con aves adestradas dos integrantes da Sociedade Galega de Cetrería.
