Este sábado 21 de xaneiro vaise presentar en Boiro, no Pazo de Goiáns, a novela Emil El Rival, do escritor compostelán Emilio Vázquez Fernańdez. A cita literaria será ás 20.00 horas e contará, acompañando ao autor, coa presenza dos concelleiros Marcos Fajardo e María Outeiral.
Esta novela é o o primeiro volume dunha saga viquinga onde se narran as aventuras do líder normando de orixe gaélico que lle dá nome ao libro, desde que non era máis que un raparigo de 8 anos, cando foi convertido en escravo polos guerreiros do norte nunha das súas incursións nas beiras do río Volia (Ulla) até que é levado a Escandinavia e, máis tarde, adoptado polo Jarl (un nobre) da rexión e acaba converténdose, co paso do tempo, en Emil O Rival: un viquingo de ollos marróns e escura e rizada cabeleira.
