O Concello de Dodro, a través do departamento municipal de Asuntos Sociais, vai organizar neste primeiro treito do ano un programa de obradoiros de memoria para mellorar a autonomía, a saúde e a calidade de vida da veciñanza, poñendo o foco nos maiores de 60 anos. As inscricións poden facerse a través do teléfono 981 802 466. As actividades levaranse a cabo en Traxeito (os luns de 16.00 a 18.00 horas), en Lestrobe (os luns de 18.15 a 20.15), en Imo (os martes de 16 a 18.00 horas), en Tallós (os martes de 18.15 a 20.15 horas), en Teaio (os xoves de 16.00 a 18.00 horas) e en Bexo (os xoves de 16.00 a 18.00 horas). Servizos Sociais de Dodro lembra que será preciso que se creen grupos mínimos de 5 persoas por lugar.
