O Concello de Ribeira vén de adxudicar un total de sete pavimentacións noutros tantos puntos situados nas parroquias de Carreira, Corrubedo e Carreira, e que suman un valor superior a 232.000 euros. En concreto, as actuacións que se van a executar e as entidades adxudicatarias son as seguintes:
En Ribeira:
Pavimentación con aglomerado asfáltico dun tramo da rúa Barbanza e a vía transversal, sumando unha superficie de 1.660 metros cadrados. Foi adxudicada a Canarga por un importe de 31.915 euros, IVE incluído.
Pavimentación dun tramo de Miguel Rodríguez Bautista: paviméntase con aglomerado o tramo comprendido entre o cruce coa rúa Canarias e a praza do Centenario. Adxudicouse á empresa Marconsa por 36.401,19 euros, IVE incluído.
Rúa Canarias: pavimentación con bituminosa en quente do vial. Foi adxudicada a Canarga por importe de 30.262 euros, IVE incluído.
Pavimentación con bituminosa en quente do tramo de rúa Galicia comprendido entre o mercado municipal e a rotonda de Padín. Foi adxudicado a Canarga por 34.367,99 euros, IVE incluído.
En Carreira:
Camiño entre o campo da Guía e a pista Vilar-Vixán: o firme actual de terra será renovado e acondicionado con aglomerado asfáltico, previo desbroce e limpeza da zona de actuación. Foi
adxudicado a Tamara Fernández Pérez por 33.386,52 euros, IVE incluído.
Estrada de Laxes: pavimentación con aglomerado asfáltico previa demolición parcial do existente na entrada a fincas e cruces para conexións de pluviais. Adxudicouse a Marconsa por 44.623 euros, IVE incluído.
En Corrubedo:
Pavimentación de varios tramos da rúa Buenos Aires: adxudicouse a Marconsa por 21.128,72 euros, IVE incluído.
