Este domingo celebrouse en Outes unha xornada de portas abertas para dar a coñecer as instalacións da nova Escola Infantil Municipal, que, segundo confirmaron recentemente Concello e Xunta, comezará a funcionar en breve. O centro, que contará con 30 prazas, foi posíbel grazas ao traballo conxunto do Goberno local, a Deputación da Coruña e o Executivo autonómico, que achegou unha axuda de 62.000 euros para a materialización do proxecto na sede do antigo CEIP Emilio de Navasqües (Cruceiro de Roo) Esta actuación suporá ampliar en 10 prazas o actual Punto de Atención á Infancia (PAI) de Outes que se converte así nunha escola infantil.
A rehabilitación do edificio supuxo un investimento de máis de 400 mil euros, con fondos procedentes da Xunta, a Deputación da Coruña e do propio Concello.
O alcalde Manuel González informou recentemente que a Administración local ten tamén “un proxecto para habilitar na planta superior do antigo CEIP Emilio de Navasqües un pequeno fogar residencial para oito persoas maiores”.
