Nas últimas horas contabilizáronse no 112 Galicia máis chamadas por presenza de neve e xeo nas estradas. En total, no día de hoxe, entre as 0:00 e as 18:00 horas, lévanse contabilizado 285 incidencias, sendo a tipoloxía de neve (111) nas estradas a máis repetida. Tamén as placas de xeo deixáronse notar (7).
Aínda así, seguen a rexistrarse incidentes causados polas chuvias e o vento que nas últimas horas afectaron a toda a comunidade. As tipoloxías máis repetidas seguen a ser as árbores e pólas nas estradas (72), os desprendementos de terra e pedras (5), as fochancas (6), os derrubamentos (4) e os asolagamentos (3) entre outras.
Por provincias, a de Lugo pasa a ocupar o primeiro posto con (83) incidentes, seguida a da Coruña con (82), a de Pontevedra con (63) e, por último, a de Ourense con (57) incidencias contabilizadas no período de tempo anteriormente citado.
Vehículos atrapados por mor da neve que non podían continuar a marcha, rúas intransitables foron as incidencias que máis se repetiron. Tamén, os desprendementos forman parte das incidencias que destacamos durante o día de hoxe como o descarrilamento dun tren, esta tarde, a causa dun desprendemento de terra e pedras .
